قصيدة عن الهم والحزن هذه من اروع القصائد الحزينة

قصيده عن الهم والحزن هذه من اروع القصائد الحزينه

ابيات شعر عن الحزن والالم

اجمل ابيات لقصيده حزينه تتحدث عن الشجن والحزن والضيق والهم

لا يا الله يا عالم .. بما اجهرت وما اخفيت
لا يا الله تفرجها عليه.. يا مسويها
ناظر للزمن نظره يتيم ما لقاله بيت
ناظر كل ها العالم.. عيوني ما تكفيها
لملم فرحتي بيدي .. ونا من فرحتي شديت
ونفسي يوم مات الفرح .. حزني جاء يعزيها
هموم ضيقت صدري .. كثيره يوم انا عديت
لقيت الحزن بولها.. ووسطها.. وتاليها

حزن ما يفارقني.. معي لا نمت.. او سجيت
كئيب ما يبي غير السهر.. والنفس يشقيها
دعيت الله .. يصبرني ونا مما جرى مليت
ونفسي .. يا اله الكون .. نفسي من يراعيها
وش اللي صار في الدنيا.. وش اللي في دنيتي سويت
جاوب يا الحزن ارجوك.. جاوب قلي وش فيها
رجع صوتي يرددني.. يردد كل ما القيت
جاوب يا الحزن ارجوك.. جاوب قلي وش فيها
لا يا ليت.. الا يا ليت.. الا يا ليت.. الا يا ليت

“ولاه المر” تاصلهم قصيده يوم ارويها
تمنيت السعاده تعود.. ونا والله ما ظنيت
سنيني الماضيه ترجع بعيده عن موانيها
تفتت خافقي والله.. مثلما للصخر تفتيت
دوافير الصدر شبت.. ولكن من يطفيها
لهي صمت من اجلك.. الهي لك بعد صليت
لهي يا اله الكون.. عيوني لا تبكيها
نا منساق لك ركب الذنوب وها انا .. حسيت
دخيلك يا اله الكون.. عيوني لا تبكيها
(ست اسنين) بي مرت انا والهم.. والتنهيت
اثنا عشر عيد.. انا وحدي سجينه دون اهاليها
ومي في نهار العيد .. تناديني.. في وسط البيت
وترجع وتذكرني .. دموع العين تهميها
نعمت اول سنيني في جناب الفهد وافي الصيت
مليك العرب والسلام وبلادي اللي افديها

وعشت اللين والشده ولو قاسيت ما قاسيت
تهون تهون ما دامت حياتي عايشه فيها
ونا لا زلت طمعا في سنين وعمر غير ازريت
عسى لي في ذرا عبدالله اياما اقضيها
وولي العهد سلطان الكرم والخير اذا ناديت
يلبي للضعاف اللي سهوم الوقت ترميها

لا يا اهل العفو تكفون لا حيه ولاني ميت
لا يا اهل الكرم والجود فكوا قيد اياديها
بي درع الحياه ولو نفيتوني ورا تكريت
يكفيني سنين سود في سجني مخاويها
لا يا الله يا عالم .. بما اجهرت وما اخفيت
لا يا الله تفرجها عليه يا مسويها

• شعر عن الحزن والهم
• قصائد الهم والحزن
• ابيات شعريه اشتكاء ايلاالله من الهم والحزن والضيق
• افضل القصائد الحزنة
• الهم والحزن والضيق
• احلي شعر عن الهم والحزن روعه
• ماقيل عن الهم والحزن
• قصائد في تفريج الهم
• قصائد للهم والحزن
• قصايد الهموم