طريقة عمل المنين

كيفية عمل المنين

نقدم لكم اليوم كيفية عمل المنين و هي كيفية سهلة و رائعة الى كل ستات البيوت و نرجوا ان تنال اعجبكم و نتمني التعليق على الموضوع

صورة طريقة عمل المنين

صور

المقادير:

1 كيلو دقيق

2 كاس سمن

نصف كاس زيت

2 معلقة كبار سمسم محمص خفيف

2 معلقة شاى خميرة جافه

1 معلقة شاى سكر سنترفيش

1 كاس ماء دافيء

2 معلقة شاى ريحة كحك او معلقة شاى شمر محمص و مطحون معلقة شاى يانسون محمص و مطحون

ربع معلقة شاى ملح

للحشو: ممكن عملها سادة بدون حشو

نص كيلو عجوة ، معلقة كبار سمنة ، 2 معلقة كبار سمسم محمص ، 1 معلقة صغار قرفه

الكيفية

-نفصص العجوة و نفرمها ناعم و نعجنها بالسمنة و السمسم و القرفه

-نحط الخميرة مع السكر و ندوبها في الماء الدافيء و نسيبها شوية لحد ما تخمر

-ننخل الدقيق مع الملح و نحطة في طبق العجين و نخلط معاة السمسم و ريحة الكحك او الشمر و اليانسون

-نسخن السمنة كويس و نصبها فوق الدقيق و نقلب بالمعلقة لحد ما يبرد

-نضيف الزيت و نبس العجينة كويس نفركها باليد

-نضيف الخميرة و نعجن العجينة كويس اوى لحد ما تبقي العجينة ناعمه

-نغطى العجينة و نخليها في مكان دافيء لحد ما تخمر

-ناخد قطعة من العجين في حجم قبضة اليد و نفردها على مظهر مستطيل و نحشيها بالعجوة و بعدين نقفل العجين على العجوة و نضغط على العجين و نقطعة بالسكينة على مظهر صوابع او نشكلة باى مظهر تانى و نرصة في الصوانى و ندهن الوش بسمنة سايحة و نخلى المنين يخمر تاني

-ندخل الصوانى فرن متوسط الحرارة لحد ما يستوي

صورة طريقة عمل المنين

 

 

  • مقادير وطريقة عمل المنين بدون سمن
  • 1٬344 views