شعر شعبي ليبي عن الشاي

شعر شعبى ليبي عن الشاي

قد يبدو الامر غريبا ان يصير هنالك شعرا خاصا بشاى مثلا! .. و لكن اذا علمنا ان ذلك الشعر كان في وقت الحرب العالمية الثانية= و ما ترتب عنها من نقص المواد التموينية كالشاى مثلا قد يزول قليلا هذه الدهشة .. و يصنف ذلك الشعر تحت الاشعار الشعية الليبيه

 

صورة شعر شعبي ليبي عن الشاي

صور

 

مانك باهى .. مسلط على الواشون كل دواهي
ان كان ما حضرت البيت يبقي ساهي.. يقدم على عيشة بلا بسمله
مغير اخساره.. المساكين ما خلا عليهم باره
م الصبح للمغرب و هي تجارا ..ان ما حصلوة تبات ليلة غله
انتى مرة .. و انتي بقيتى للانسان مضره
كيف الخدم ياناس كيف الحره.. ريت الحيا منهم تبرم كله
انتى شينه.. رقيق الجهد منك غرق في دينه
من قبلا يصلى فيك يقلب عينه.. شينة خبارة خاطيات المله
مانطيق افراقه.. مغير ذلك و اخذنا بلا بنداقه
طايبين على الذملة بلا سواقه.. في شانها الحمل الثقيل انقله
خذانا كيفه.. دون بالطفل كمين مية جيفه
ومن قلالى يعجبك توصيفة .. بدين اعظامة بيض كيف الهله
ماو محلل فيها.. وين هو المذهب اللى طاريها
يفتح اكتابة كان فيه القيها.. باب الشريعة ياعرب نركن له
ان كان هي مبدوعه.. خاطى كلام الله هو و شروعه
ماعاد خلت فرش في مربوعه.. غير العوايز يفرغن بالسله
نسال القاضي.. كان في كتابة م الزمان الماضي
عيني تبى و القلب ما هو راضي.. اللى تبع نفسة على الهلاك ادله
للهلاك اتجيبه.. هاذى حشيشة يا اسلام عطيبه
عليك يا العباسى انعل سريبه.. افتح كلامي و امتبة بالمله

فرد الشاعر عبدالله العباسى و قال:

شربة باهي.. يجلى دراة الكبد تبقي زاهي
حشيشة حلال و ما عليها ناهي.. يلذ شربها وين الثمن يتعلى
وهي منصوبه.. عليها القراية و الصلاة امحسوبه
وحتى الطرقى كان باطل دوبه.. يزهي معا السخان وين رطن له
ويجفل النوم الليل تحت اهدوبه.. و يقدر على صلبة نهارا كله
شربة طيب .. و لانقدر و ا عنه نهار انغيب
وان عطشتة حتى البعيد اقريب.. الباطل القى كرعية يجارن له
ولا عاد في دورة القيت مريب.. باقى مثيل الفرض ما يتخلى
يدقل سخانه.. كما ثلب هايج و الابكار اركانه
ونعناع يغ شي يعجبك فو جانه.. و سكر محاقن اتلج من قرطله
والع فينا ..وان الغدا و الصبح كان القينا
وان غيب الراس و جعة ناض علينا.. فيه انهمكنا و الارزاق على الله
ووين يحصلن بارات بين ايدينا.. نعدوا منابة كيف باب الغله
لاتتركها .. ميط م الخلوق بشربها تتفكا
ان ما ذقتها بعد الغدا تتكى.. يروح سبيب النوم جارد كله
يدورد عليك ترك شينك ركه.. لاتدير حاجة لاصلا تصلى
بية و لعنا .. و عشنا على شربة منين طلعنا
لانقبلوا ناهى و لايقدعنا.. يدبر على روحة يفوت معله
لقيناة كيف و غيبتنا توجعنا.. غالى غلا ما و كذب نزاين له
كان الاكل اشوى ما شبعنا.. وين نشربوا منه ايرد الغله
كى نفسنا كى الضيف كيف تبعنا.. ان غاب سكرة صادة اني راكن له

صورة شعر شعبي ليبي عن الشاي

 

 

 

  • شعر شعبي عن الشاي
  • شعر ليبي علي براد الشاهي
  • شعر عن الشاي الليبي
  • شعر ليبي عن الشاي
  • شعر ليبي ع الشاهي
  • شعر ليبي عن الشاهي
  • شعر ليبي على الشاهي
  • شعر ليبي علي الشاهي
  • شعر شعبي ليبي علي الشاهي
  • اشعار شعبية ليبية
  • 4٬833 views