حلويات سريعة , طريقه عمل حلويات سريعة

كيك بجيلى المانجو
المقادير:

• كوب زبده
• 2 كاس سكر
• كيس جيلى بالمانجو
• 4 بيضات
• 1/2 كاس ما نجو مهروس او مضروب في الخلاط بدون ماء
• 3 الا ربع كاس دقيق
• 2 و نصف ملعقة صغار بيكينج باودر
• ملعقة صغار فانيليا
• كوب لبن

للحشو:

• جيلى ما نجو بارد في قالب بنفس مقاس قالب الكيك)

الطريقه:
1 اخلطى الزبدة مع السكر بالمضرب لغاية ما يبقي الخليط عامل زي الكريمة و بعد كدة ضيفى حبيبات الجيلى مع الاستمرار في الخلط لغاية ما كل المكونات تتجانس مع بعضها.

2 بعد كدة ضيفى بيورية المانجو و البيض مع الاستمرار في الخلط.

3 اخلطى الدقيق مع البيكينج باودر و الفانيليا و بعد كدة ضيفيهم للخليط السابق مع الاستمرار في الخلط و بعد كدة ضيفى اللبن و اضربى كل المكونات مع بعضها لغاية ما تحسى ان كلها تجانست.

4 هاتى الصينية اللى هتعملى فيها الكيك و ادهنيها بالقليل من الزبدة و شوية دقيق و بعد كدة تخلصى من الدقيق الزيادة و بعدين صبى فيها خليط الكيك اللى جهزتية و ساوى السطح.

5 دخلى الصينية في فرن ساخن على درجة حرارة 180 و سيبيها تستوى مدة نصف ساعة او لغاية ما تحسى انها استوت.

6 طلعى الكيكة من الفرن و سيبيها لغاية ما تبرد خالص تماما و بعد كدة اقسميها بالعرض الى 3 طبقات متساوية في الارتفاع.

7 حطى اول طبقة من الكيكة في طبق التقديم و افردى عليها طبقة من جيلى المانجو و بعد كدة حطى طبقة تانية من الكيكة و كررى نفس الحركة مع باقى الطبقات و بعد كدة يمكن تزينى سطح الكيكة بالكريم شانتية و قطع المانجو و قدميها.. و بالهنا و الشفا.

كاسترد بالمكسرات
المقادير:

• 4 كاسات لبن كامل الدسم
• 1/4 كاس سكر
• 3 معالق كبار بودرة كاسترد
• 1/2 1 ملعقة صغار حبهان مطحون
• مكسرات للتزيين؛ اي نوع انت بتحبية جوز او فستق او عين جمل او جوز الهند او زبيب)

الطريقه:
1 سخنى اللبن و السكر و الحبهان في اناء و سيبيهم على نار هادية لغاية ما يغلوا مع التقليب المستمر.

2 دوبى بودرة الكاسترد في حوالى 4/1 كاس مية و ضيفيها تدريجيا الى خليط اللبن و السكر و الحبهان و خدى بالك انك في الوقت دة تكون=النار هادية و تقلبي بملعقة خشبية باستمرار علشان الخليط ما يلزقش.

3 سيبى الخليط دة يغلى على النار كويس و بعد ربع ساعة شيلية من على النار و ضيفى الية ماء الورد و رجعية تانى على النار مدة خمس دقيقة كمان مع التقليب المستمر.

4 بعد كدة هاتى اطباق التقديم و صبية فيها و بعد ما يبرد زينى الطباق بالمكسرات و حطية في الثلاجة و طلعية عند التقديم.

السمبوسك الحلو
المقادير:

• 1/2 لفة جلاش
• 1/2 كاس زبد سايحه
• 1/2 كيلو جبنة ريكوتا
• 2 ملعقة كبار سكر
• 3/4 كاس شربات
• 2 ملعقة كبار فستق مفروم للتزيين

مقادير الشربات:

• 1/2 كاس سكر
• 3/4 كاس ميه
• عصير ليمونه
• فانيليا

الطريقه:
1 اخلطى الجبنة الريكوتا مع السكر في طبق.

2 حطى رقائق الجلاش على سطح مستوى و قطعى كل و رقة جلاش لمربعات عرضها حوالى 4-5 سم.

3 خدى كل مربع و حطى فيها 2 ملعقة صغار من خليط الريكوتا في الوسط و اطوى كل الطراف للداخل علشان تبقي على مظهر و ردة مربعة و بداخلة الحشو و بتكررى نفس الكيفية دى لغاية ما تخلصى كل اللى عندك.. و ادهنى طرف كل واحدة بشوية زبدة علشان تلزق.

4 هاتى صينية فرن و ادهنيها بالزبدة و حطى فيها مثلثات السمبوسك و ادهنى سطح السمبوسك بالزبده.

5 سخنى الفرن على درجة حرارة عالية 220 مئويه و دخلى الصينية الفرن مدة 30 دقائق او لغاية ما تلاقى ان و ش اللفائف بقي ذهبى و يمكن انك تحمريها في الزيت بدلا من و ضعها في الفرن.

6 خرجيها من الفرن و صبى على كل واحدة ملعقة من الشربات البارد و ر شي عليها فستق.

كنافة مقلية بالكريمة و الفاكهه
مقادير الكنافه:

• 1/2 كيلو كنافه
• زيت للقلي
• كوب شربات
• كوب كريمة مخفوقه
• كوب فاكهة مشكلة مانجو تفاح جوافة كريز)

مقادير الشربات:

• 1/2 كاس سكر
• 3/4 كاس ماء
• عصير ليمونه
• فانيليا

كيفية عمل الشربات:
حطى السكر و المية كلهم مع بعض في اناء على نار هادئة مدة ربع ساعة و بعد كدة ضيفى الليمون و سيبية مدة 5 دقيقة لغاية ما يغلى و حطى الفانيليا و شيلية من على النار و سيبية لغاية ما يبرد.

كيفية عمل الكنافه:
1 اقلى الكنافة في زيت ساخن لغاية ما لونها يخذ اللون الذهبي.

2 بعد ما لونها يبقي ذهبى شيليها من على النار و حطيها على ورق لامتصاص الزيت الزائد.

3 هاتى طبق الحلويات و حطى فيه طبقة من الكنافة و اسقيها بالشربات و هي سخنة و حطى طبقة تانية من الكريمة و الفاكهة و طبقة اخرى= من الكنافة و زينيها من فوق بالكريمة و الفاكهه.

جيلى بالفواكة و البسكويت مغطي بالقشطة و الشيكولاته
المقادير:

• فواكة مشكلة مقطعة الى مربعات صغيره
• 4 علب جيلى نوع واحد)
• 3 علب بسكويت
• علبة قشطه
• شيكولاتة مبشوره
• كس من الكريمة المخفوقه

الطريقه:
1 هاتى الفاكهة اللى عندك و قطعيها الى مكعبات صغار و بعد كدة رصيها في الطباق اللى هتقدمي فيها.

2 فضى محتويات علب الجيلى في اناء كبير فيه 3 كاسات من المية المغلية على نار متوسطة الحرارة مع التقليب المستمر مدة عشر دقيقة او لغاية ما تلاقى ان الجيلى بدا يتقل و بعد كدة صبى شوية جيلى فوق الفاكهه.

3 بعد كدة هاتى البسكويت و رصية فوق الفاكهة و الجيلى بعد كدة صبى باقى الجيلى فوق البسكويت بعد كدة حطى الطبق دة في الثلاجة مدة 4 ساعات او لغاية ما الجيلى يتجمد.

4 هاتى علبة القشطة و علبة الكريمة و اخلطيهم مع بعض كويس و طلعى الطبق من الثلاجة و ادهنى و شة بخليط الكريمة و القشطة و بعد كدة رجعية الثلاجة تانى مدة ساعه.

5 بعد ما تلاقية جمد خرجية من الثلاجة و حطى على و ش الطبق شوية فاكهة او شوية شوكولاتة مبشوره.